நையப்புடை - திரைவிமர்சனம்

ல வெற்றி படங்கள் மட்டுமில்லாமல் தமிழ் சினிமாவிற்கு இளைய தளபதி எனும் வெற்றி நாயகனையும் கொடுத்த பிரபல இயக்குனர் எஸ்.ஏ.சந்திரசேகரரும், பிரபல பாடலாசிரியராக இருந்து கதாநாயகனாக அவதாரம் எடுத்த பா.விஜய் அவர்களும் இணைந்து நைய்யப்புடைக்க களமிறங்கியிருக்கிறார்கள்.
கதை

தனது 70 வயதினிலும் அநியாயத்தை தட்டிக்கேட்கும் துணிச்சல் மிகுந்த, ஒய்வு பெற்ற ராணுவ அதிகாரியான எஸ்.ஏ.சி அவர்கள் ஒரு நாள் பேருந்தில் பயணிக்கும் பொழுது கலாட்டா செய்யும் லோக்கல் ரவுடிகளை துவம்சம் செய்ய அதை ஒரு மாணவி வீடியோ எடுத்து சமூக வலைத்தளங்களில் பதிவேற்றம் செய்ய மிக பிரபலமாகிறார் எஸ்.ஏ.சி. அதனால் பத்திரிக்கையாளரான பா. விஜய்யுடன் அறிமுக ஏற்பட பின் இருவரும் சேர்ந்து பல சமூக பிரச்சனை எதிர்க்கொண்டு எதிரிகளை எவ்வாறு நைய்யப்புடைக்கிறார்கள் என்பதே படத்தின் மீதிக்கதை.
படத்தை பற்றிய அலசல்

70 வயதை தாண்டினாலும் இப்போது நடிக்க வந்த நடிகனைப்போல் ஆர்வம் காட்டி, சண்டை காட்சிகளில் கூட நடித்துள்ளார் எஸ்.ஏ.சந்திரசேகர் அதற்காகவே அவரை பாராட்டிதான் ஆகவேண்டும், Captain, இளைய தளபதியை எல்லாம் நடிக்க வைத்தவருக்கு நடிப்பு வராமலாயிருக்கும். ஆனால் அடுத்தவர்களுக்கு பிரச்சனை எனும் போது ஆவேசம் காட்டும் இவர் தனக்கு வரும் சில பிரச்சனைகளில் பேக் அடிப்பது என்ன லாஜிக் என இயக்குனர் தான் சொல்ல வேண்டும். பா.விஜய் அவருக்கு என இருக்கும் களத்தை அவர் இன்னும் சரியாக பயன்படுத்தியிருக்களாம். சாந்தினி காதல் காட்சிகளில் மட்டும் தலையை காட்டி செல்கிறார். படத்தின் வில்லன்களாக வரும் எம். எஸ். பாஸ்கரும் நான் கடவுள் ராஜேந்திரனும் வில்லத்தனம் காமெடியென பட்டைய கிளப்புகிறார்கள் குறிப்பாக எம் எஸ் பாஸ்கர் தனது கைத்தேர்ந்த நடிப்பை வெளிக்காட்டியுள்ளார். விஜி சந்திரசேகர் தன் மகன் உயிர் இழக்கும் வேளையில் மிக எதார்த்தமான நடிப்பை வெளிப்படுத்தியுள்ளார், அவரின் மகன் முத்துபாண்டியாக வரும் மாஸ்டர் ஜாக்சன் கவனம் ஈர்க்கிறார்.

படத்தின் இசை தாஜ் நூர், க்ளைமேக்ஸில் வரும் குத்துப்பாடல் ரசிக்கவைக்கிறது, பின்னணியில் புதிதாக எதுவும் இல்லையென்றாலும் பெரிதாக குறை சொல்லி விட முடியாது. படத்தின் கதைக்கான நோக்கம் சரியாக இருக்கலாம். ஆனால் அதை ரசிகர்களிடம் சரியாக கொண்டு சேர்ப்பதில்தான் தான் அப்படத்தின் வெற்றி இருக்கிறது. திரைக்கதையின் சுவாரஸ்யம் இன்னும் கொஞ்சம் இருந்திருக்கலாமே என்று முணுமுணுக்க வைக்கிறது. படத்தில் சில இடங்களில் எதிர்பார்ப்பை ஏற்படுத்தினாலும் அதற்கு பிறகு வரும் காட்சிகள் சற்று தொய்வை ஏற்படுத்துகிறது. படம் சோஸியல் த்ரில்லராக இருந்தாலும் நகைச்சுவை நன்றாக வந்துள்ளது.

கதையை கையாண்ட விதத்தில் புதியதாக எதும் இல்லாமல் போனது ஒரு குறையே. லாஜிக் மீறல்களும், ஏதார்த்தமின்மையும், நாடகத்தனமும் சற்று அதிகமாக உள்ளது. தற்போது வரும் படங்களில் ‘தல’ பற்றிய புகழாரங்கள் அதிகமாக வருவதால் அதை ‘ஹெவி தளபதி’ ரெஃபெரன்ஸ் வைத்து ஒரேடியாக ஈடுகட்ட முயற்சித்துள்ளார் எஸ்.ஏ.சி. இதையெல்லாம் தாண்டி எஸ்.ஏ.சி.யின் முயற்சிக்காக, எம்.எஸ்.பாஸ்கரின் நடிப்பிற்காக, படத்தில் ரசிக்க வைக்கும் இடங்களுக்காக, 19 வயதில் படத்தை இயக்கிய விஜய் கிரணுக்காக இக்குழுவை பாராட்டலாம்.
க்ளாப்ஸ்

போராட்ட குணத்தை முதுமை அழித்துவிட முடியாது, நல்லது செய்ய வயது ஒரு தடை இல்லை எனும் எஸ்.ஏ.சி முயற்சி, எம் எஸ் பாஸ்கர் ராஜேந்திரனின் நகைச்சுவை கலந்த வில்லத்தனமான நடிப்பு.
பல்ப்ஸ்

படத்தை கையாண்ட விதம், திரைக்கதையில் சுவாரஸ்யம் இல்லாமல் போனது. லாஜிக் மீறல்களும், எதார்த்தமின்மையும், நாடகத்தனமும் சற்று அதிகமாக உள்ளது. இதனாலேயே படத்துடன் ரசிகர்களால் ஒன்றமுடியாமல் போகிறது. 

Read more »

ஆறாது சினம் - திரைவிமர்சனம்

ஒரு சில நடிகர்கள், இயக்குனர்கள் படங்கள் என்றால் எந்த ஒரு கேள்வியும் கேட்காமல் திரையரங்கிற்கு சென்றுவிடுவோம். அப்படி ஒரு நடிகர் தான் அருள்நிதி, இயக்குனர் அறிவழகன்.

தொடர்ந்து மௌனகுரு, டிமாண்டி காலனி என தரமான படங்களில் நடித்து வரும் அருள்நிதி, ஈரம், வல்லினம் என தரமான படங்களை இயக்கிய அறிவழகன் இருவரின் கூட்டணியில் உருவாகியுள்ள படம் தான் ஆறாது சினம்.
கதைக்களம்

மலையாளத்தில் க்ரைம் கதைகளுக்கு பேர் போனவர் ஜீத்து ஜோசப், இன்னும் நம் மக்களுக்கு தெரியும் படி சொல்லவேண்டும் என்றால் கமல்ஹாசன் நடித்த பாபநாசம் படத்தை இயக்கியவர். இவர் இயக்கத்தில் பிரித்விராஜ் நடிப்பில் வெளிவந்த மெமரீஸ் படத்தின் ரீமேக் தான் இந்த ஆறாது சினம்.

படத்தின் ஆரம்பத்திலேயே அருள்நிதி மிரட்டல் என்கவுண்டருடன் அறிமுகமாகிறார். ஆனால், ஒரு சில காரணங்களால் அந்த என்கவுண்டர் ட்ராப் ஆக, வில்லனால் அவர் குடும்பத்தை இழக்கின்றார். இதன் பிறகு வாழ்க்கையே ஏதோ கடமைக்கு வாழ்வது போல், வெறும் குடியுடன் மட்டும் தான் அருள்நிதி வாழ்கின்றார்.

இத்தருணத்தில் இவர் வாழ்க்கையில் மீண்டும் ஒரு கடமை வர, அரை மனதுடன் அந்த வழக்கை விசாரிக்க சம்மதிக்கின்றார். தொடர்ந்து தேனி, சிவகங்கை பகுதிகளில் ஒரு சிலர் இறக்க, யார் இந்த கொலை செய்கிறார்கள் என அருள்நிதி தேடுகிறார்.

ஒரு கட்டத்தில் இந்த கொலைகள் தொடர்ந்து நடக்க, அவர் ஒரு சீரியல் கில்லர் என தெரிய வருகின்றது. அரை மனதுடன் உள்ளே வரும் அருள்நிதிக்கு விஷயம் அறிந்து சீரியஸ் ஆகின்றார். சின்ன சின்ன தடயங்களாக தேடி கிளைமேக்ஸில் வில்லனை நெருங்கும் தருணத்தில் அருள்நிதிக்கு ஒரு செக் வர, யார் அந்த கொலைகளை செய்பவர்? எதற்காக இப்படியெல்லாம் செய்கிறார்? என்பதை கடைசி வரை ரசிகர்களை நகம் கடிக்க வைத்துள்ளார் இயக்குனர் அறிவழகன்.
படத்தை பற்றிய அலசல்

6 அடி உயரம் போலிஸிற்கு உண்டான அத்தனை கம்பீரமும் இருக்க, படம் முழுவதும் போதை, அழுக்கு சட்டை என்றே அருள்நிதி உலா வருகின்றார். இவர் படம் என்றாலே இனி நம்பி போகலாம் என சொல்லும் அளவிற்கு மீண்டும் நிரூபித்து விட்டார். எப்போதும் போதையில் இருந்தாலும், தன் விசாரணையில் எந்த ஒரு இடத்திலும் கோட்டை விடாமல் கவனமாகவிருக்கின்றார். அதிலும், வில்லன் தொடர் கொலைகளை வைத்தே, இவர் இதன் தாக்கத்தால் தான் இந்த மாதிரி கொலை செய்கிறான் என்று கண்டுப்பிடிக்கும் இடமெல்லாம் சபாஷ்.

அருள்நிதியை தவிர வேறு யாருக்கும் பெரிதாக நடிக்கும் ஸ்கோப் இல்லை என்று தான் சொல்ல வேண்டும். ஏனெனில் படத்தின் மொத்த பலமும் திரைக்கதை தான், அதில் பலரும் வந்து போகிறார்கள், ஆனால், அருள்நிதியே தாங்கி செல்கின்றார். உயர் அதிகாரியாக வரும் ராதாரவி, உதவியாளராக வரும் சார்லி என இருவரும் அனுபவ நடிப்பை அள்ளி வீசுகின்றனர்.

ரோபோ ஷங்கர் காமெடி வேண்டும் என்பதற்காக திணித்தது போல் உள்ளது. 10 வசனம் பேசினால் 2 வசனம் மட்டுமே சிரிப்பு வருகின்றது. சேஸிங் சீனில் சிலர் குத்துப்பாட்டு வைப்பது போல், அறிவழகன் இதில் காமெடி காட்சிகளை வைத்துவிட்டார்.

படத்தின் மற்றொரு ஹீரோ கண்டிப்பாக தமனின் பின்னணி இசை தான், ஈரம் சாயல் தெரிந்தாலும், பல காட்சிகளில் தன் இசையால் ரசிகர்களை நிமிர்ந்து உட்கார வைக்கின்றார். அதிலும், கிளைமேக்ஸில் வில்லன் பற்றிய தொகுப்புகளை அருள்நிதி விவரிக்கும் இடத்தில் பின்னணி இசை நம்மையும் படத்திற்குள் அழைத்து செல்கின்றது.

இந்த மாதிரியான க்ரைம் திரில்லர் கதைகளுக்கே மிக முக்கியத்துவம், வில்லனின் முகத்தை காட்டாமல், ஹீரோ வீட்டில் வேலைப்பார்க்கும் வேலைக்காரன் வரை சந்தேக கண்ணோடு நம்மை பார்க்க வைப்பது தான். ஆனால், கடைசியில் அட இவர் தான் இந்த கொலையை செய்தாரா? என நமக்கே தோன்றி விடும். இதில் யார் மீதும் சந்தேகம் எழவில்லை, இருந்தாலும் படத்தின் சுவாரசியம் எங்கும் குறையவில்லை.
க்ளாப்ஸ்

அருள்நிதியின் யதார்த்தமான நடிப்பு, தனக்கு என்ன வரும் என்பதை மிக தெளிவாக தெரிந்து வைத்துள்ளார்.

அருள்நிதிக்கும் வில்லனுக்கும் எந்த ஒரு தொடர்பும் இல்லையென்றாலும், அதை கிளைமேக்ஸில் தொடர்புபடுத்தி அவரின் வேகத்தை அதிகப்படுத்திய காட்சிகள்.

தமனின் பின்னணி இசை, அரவிந்த் சிங்கின் ஒளிப்பதிவு, ஒரு க்ரைம் த்ரில்லருக்கு என்ன தேவையோ அதை அழுத்தமாக செய்திருக்கிறார்.

அருள்நிதி வில்லன் குறித்து சேகரிக்கும் ஆதாரம் அதை வைத்து கண்டுப்பிடிப்பது ரசிகர்களை சீட்டின் நுனிக்கு வரவைக்கும். மேலும், படம் முழுவதும் அருள்நிதி குடித்துக்கொண்டே இருந்தாலும், அந்த குடியால் அவர் வில்லனை தவறவிட்டு, அந்த குடியை விடும் காட்சிகள் கிளாஸ்.
பல்ப்ஸ்

என்ன தான் கதாபாத்திரம் குடும்பத்தை இழந்து நின்றாலும், அருள்நிதி சட்டைகூட மாற்றாமல் சுற்றுவது கொஞ்சம் ஓவர்.

ரோபோ ஷங்கர் காமெடி காட்சிகள் எங்கும் எடுபடவில்லை, தேவையில்லாத திணிப்பாகவே தெரிந்தது. முதல் பாதி கொஞ்சம் மெதுவாக நகரும் காட்சியமைப்புகள்.

மொத்தத்தில் ஆறாது சினம் அறிவழகன், அருள்நிதியை மட்டுமின்றி ரசிகர்களையும் பதட்டத்துடன் பயணிக்க வைத்து அதில் வெற்றியும் பெற்று விட்டார்.

Read more »

இளையராஜாவுக்காக மாறிய தயாரிப்பாளர்கள் சங்கம்

திரைப்படங்களை சேனல்களுக்கு விற்பனை செய்வது தொடர்பாக கடந்த பில மாதங்களாக பிரச்சனைகள் நீடித்து வருகிறது. இப்பிரச்சனை காரணமாக தனிப்பட்ட முறையில் எந்த நடிகர், நடிகைகளும் சேனல்களுக்கு பேட்டியளிக்க கூடாது என்றும் பட புரொமோஷன் செய்து கொள்ள மட்டும் படக்குழுவினர் பேட்டியளிக்கலாம் என்று தயாரிப்பாளர் சங்கம் கண்டீஷன் போட்டிருந்தது.

இந்நிலையில், இளையராஜாவுக்கு பாராட்டு விழாவை ஒரு பிரபல தொலைக்காட்சி மிகவும் பிரம்மாண்டமாக வரும் 27ம் தேதி நடத்த இருக்கிறது.

இளையராஜாவின் பாராட்டு விழா என்பதால் விழாவில் அனைத்து நடிகர், நடிகைகளும் கலந்து கொள்ள வேண்டும் என்பதற்காக தயாரிப்பாளர் சங்கம் அந்த கண்டிஷனை தளர்த்தியுள்ளது.

Read more »

ஆரம்பத்திலிருந்து அஜித்திற்கு மட்டும் தான் மரியாதை கொடுப்பேன், ஏனென்றால்? ராதாரவி ஓபன் டாக்

நடிகர் சங்க தேர்தலின் போது ராதாரவி பேசியது எல்லாம் அனைவரும் அறிந்ததே. அவர் எல்லோரையும் பெயர் சொல்லி தான் அழைப்பார்.

சமீபத்தில் ஒரு பேட்டியில் கூட இதுக்குறித்து இவர் ‘நான் என் சக நடிகர்கள் அனைவரையும் பெயர் சொல்லி தான் அழைப்பேன். ஆனால், அஜித்தை மட்டும் தான் இன்று வரை சார் என்று அழைக்கிறேன்.

ஏனெனில் அவரின் உதவி மனப்பான்மை என்னை மிகவும் கவர்ந்தது, யார் எந்த உதவி கேட்டாலும் லட்சம் லட்சமாக அள்ளிக்கொடுப்பார், அவரை போலவே தற்போது சூர்யா கூட S3 படப்பிடிப்பில் ஒருவரின் கல்விக்காக ரூ 1 லட்சம் கொடுத்தார்’ என கூறியுள்ளார்.

Read more »

ரஜினியே சொன்ன அடுத்த சூப்பர் ஸ்டார் இவர் தான்

தெலுங்கு திரையுலகின் முன்னணி கதாநாயகர்களுள் ஒருவர் பவன் கல்யாண். வெறித்தனமான ரசிகர்களை தன் வசம் வைத்திருக்கும் அவரை  தெலுங்கு திரையுலகின் பவர்ஸ்டார் என ரசிகர்கள் அழைப்பது நாமறிந்ததே. சமீபத்தில் அவரைப் பற்றி சூப்பர் ஸ்டார் ரஜினிகாந்த் கூறிய விஷயங்களை பகிர்ந்து கொண்டுள்ளார் நடிகர் சுனில்.

அவர் பேசுகையில், பிப்ரவரி 19 வெளியாகிய கிருஷ்ணாஷ்டமி படத்தின் பிரமோஷன் நிகழ்ச்சி ஒன்றில் பேசிய அப்படத்தின் நாயகன் சுனில், ஒரு முறை ரஜினி பவன் கல்யாணின் ஜல்சா படத்தின் போஸ்டரை பார்த்துவிட்டு, அதில் பவன் கல்யாணின் தனித்துவமான ஸ்டைலினை கண்டு ஆச்சரியப்பட்டதோடு, டோலிவூட்டின் அடுத்த சூப்பர் ஸ்டார் இவராகத் தான் இருப்பார் என ரஜினி கூறிய தருணத்தைப் பகிர்ந்து கொண்டார்.

தமிழ் சினிமாவில் அடுத்த சூப்பர் ஸ்டார் யார் என இங்கு பெரும் போராட்டமே நடந்து கொண்டிருக்கையில், தெலுங்கு நடிகர் பவன் கல்யாண் தான், தெலுங்கில் அடுத்த சூப்பர் ஸ்டார் என ரஜினி கூறியதாக வெளிவந்துள்ள இச்செய்தி பெரும் பரபரப்பை ஏற்படுத்தியுள்ளது. தமிழோ, தெலுங்கோ சூப்பர் ஸ்டாரிடமிருந்தே, சூப்பர் ஸ்டார் என பாராட்டு பெற்ற பவன் கல்யாண்க்கு நிச்சயம் இது கூடுதல் மாஸ் தான். 

Read more »

தமிழ் சினிமாவில் களம் இறங்கும் எம்.ஜி.ஆரின் பேரன்

தமிழ் சினிமாவில் எத்தனை நடிகர்கள் வந்து சென்றாலும் எம்.ஜி.ஆர் எப்போதும் யாராலும் மறக்கமுடியாதவர். ஒரு நடிகர் என்பதை தாண்டி தமிழகத்தில் ஒரு நல்லாட்சியை நடத்தியவர்.

இவரின் வளர்ப்பு மகளான சுதாவின் மகன் ராமச்சந்திரன். இவர் அடுத்து டி.ஆர்.பாஸ்கர் என்பவரின் இயக்கத்தில் கபாலி தோட்டம் என்ற படத்தில் நடிக்கவுள்ளார்.

இவருக்கு இயக்குனர்களான கார்த்திக் சுப்புராஜ், சமுத்திரகனி, பேரரசு ஆகியோர் தங்கள் வாழ்த்துக்களை கூறியுள்ளனர்.

Read more »

ரஜினி, மோகன்லாலுக்காக வெளிநாட்டு டூப் நடிகர்கள் வருகை

ஆக்‌ஷன் ஹீரோக்கள் ஸ்டன்ட் காட்சியில் நடிக்கும்போது பெரும்பாலும் தாங்களே அக்காட்சியில் நடிக்க எண்ணுகிறார்கள். ரிஸ்க் நிறைந்த காட்சிகளில் ஹீரோக்களுக்கு பதில் டூப் நடிகர்கள் பயன்படுத்தப்படுகின்றனர். அந்த காலம் முதல் இன்றுவரை இந்த பாணி தொடர்கிறது. மலையாளத்தில் மோகன்லால் நடிக்கும் புதுபடம் ‘புலி முருகன்’. இவரது படப்பிடிப்பில் 2 வெள்ளைக்கார நடிகர்கள் சுற்றி வருகின்றனர். இருவரும் மோகன்லாலின் ரசிகர்கள் அவரை காண வந்திருப்பதாக யூனிட்டில் உள்ளவர்கள் சொல்கின்றனர்.

வெளிநாட்டு ரசிகர்களின் புகைப்படத்தை பார்த்த சில நெட்டீஸன்கள் விவாதத்தை தொடங்கி விட்டனர். பிரான்ஸ் நாட்டை சேர்ந்த யன்னிக் பென், டிஜிபிரில் நிவிக் என்ற இரண்டு ஸ்டன்ட் நடிகர்கள்தான் இருவரும். ‘ரேஸ் 2’ உள்ளிட்ட பல இந்தி படங்களில் ஹீரோக்களுக்கு ஸ்டன்ட் காட்சிகளில் டூப் போட்டு நடித்துள்ளனர். இவர்கள் இருவரும் தமிழிலும் ‘மாற்றான்’, ‘புலி’ படங்களில் டூப் போட்டு நடித்துள்ளனர். மோகன்லால் நடிக்கும் படத்தில் அவருக்கு டூப் போடுவதற்காகவே இந்த இருவரும் வந்திருக்கின்றனர் என இணைய தளத்தில் விவாதித்து வருகின்றனர். மோகன்லால் அணிந்திருக்கும் அதே காஸ்டியூம் டூப் நடிகர்களில் ஒருவருக்கு தரப்பட்டிருக்கிறதாம். ரஜினி நடிக்கும் ‘2.0’ படத்துக்கும் ரிஸ்க்கான காட்சிகளில் நடிக்க டூப் நடிகர்கள் வரவழைக்கப்பட்டிருக்கிறார்களாம். 

Read more »

கத்தி கதை உண்மையானது- இளைய தளபதி ஸ்டைலில் கலக்கிய கிராம மக்கள்

இளைய தளபதி விஜய் திரைப்பயணத்தில் மாபெரும் வெற்றிபடங்களில் ஒன்று கத்தி. இப்படம் வசூல் மட்டுமின்றி விமர்சனங்கள் வாயிலாகவும் பெரிய வரவேற்பு பெற்றது.

இப்படத்தில் கிராம மக்களின் வலியை நகர மக்கள் அறிய வேண்டும் என, விஜய் குடிநீர் செல்லும் குழாயில் உட்கார்ந்து போராட்டம் செய்வார்.

இந்த காட்சியை யாரும் எளிதில் மறந்திருக்க முடியாது, தற்போது இதே ஸ்டைலில் ஹரியாவனவில் உள்ள ஓர் இனத்தை சார்ந்த மக்கள் தங்களுக்கு இட ஒதுக்கீடு கேட்டு நீண்ட நாட்களாக அரசாங்கத்திற்கு எதிராக போராட்டம் நடத்தி வருகின்றனர்.

யாரும் கண்டுக்கொள்ளாததால், ஹரியானாவிலிருந்து டெல்லி செல்லும் குடிநீர் குழாயை அடைத்தனர். இதனால், டெல்லியில் சில குடுநீர் தட்டுப்பாடு ஏற்பட்டுள்ளது. தற்போது உடனே அரசாங்கம் அவர்களுடன் பேச்சு வார்த்தை நடத்தவுள்ளதாம். எது எப்படியோ முருகதாஸ் படத்தில் சொன்னது நிஜத்தில் நடந்த விட்டது.

Read more »

ஆசைப்பட்டார் அஜீத்! தவற விட்டார் தனுஷ்?

யாருடனும் ஒட்டுவதில்லை, எந்த நிகழ்ச்சிக்கும் வருவதில்லை என்றெல்லாம் அஜீத் பற்றி விமர்சனங்கள் வந்தாலும், இன்டஸ்ட்ரியின் இண்டு இடுக்குகளை கூட அறிந்து வைத்திருக்கிறார் அவர். நாள்தோறும் நடக்கும் தகவல்கள் அவரது காதுகளுக்கு செல்லாமல் இருப்பதில்லை. தனுஷின் கிராப் என்ன, சிம்புவின் பிளாப் என்ன, ஆர்யாவின் உயரம் என்ன, விஷாலின் வேகம் என்ன என்று எல்லாவற்றையும் அவதானித்து வரும் அவர், தனது மனைவியின் தங்கை ஷர்மிலி வந்து, “தனுஷுடன் நடிக்க ஒரு ஆஃபர் வந்திருக்கு. செய்யலாமா?” என்று கேட்டால், “போகாதே…” என்றா சொல்லுவார்?

பரிபூரணமாக ஆசிர்வதித்தாராம். அதுவும் தனுஷின் சமீபகால வெற்றிகள், அவரது வேகம், முன்னேற்றம் எல்லாவற்றையும் பற்றி ஷர்மிலிக்கு எடுத்துச் சொல்லி, “இது நல்ல ஆஃபர். தாராளமா நடி” என்று அனுப்பி வைத்ததுடன், ரஜினியின் மேக்கப் மேனையும் தன் இன்புளுயன்சில் வரவழைத்து ஷர்மிலிக்கு துணையாக அனுப்பி வைத்தார். ‘கொடி’ படத்தின் டைரக்டர் துரை.செந்தில்குமாரும் ஷர்மிலிக்கு முழுக்கதையையும் சொன்னாராம். அதற்கப்புறம் சில வாரங்களில் நடந்ததுதான் பொல்லாத திருப்பம். தனுஷின் ஆலோசனைப்படி கதையில் ஏராளமான மாற்றங்களை கொண்டு வந்தார்கள்.

அதுவரைக்கும் படத்தில் ஒரு ஹீரோயின்தான் என்ற நிலைமை, சட்டென மாறி இரண்டு ஹீரோயின் என்றாகிவிட்டதாம். இந்த விஷயம் முறையாக ஷர்மிலிக்கும் தெரிவிக்கப்பட்டதாம். ஷர்மிலியின் அப்பா பாபு ஒரு காலத்தில் தன் இரு மகள்களுக்கும் அற்புதமாக கால்ஷீட் பார்த்து அருமையாக படப்பிடிப்புக்கு அனுப்பி வந்தவர். மகள்களுக்கு எவ்வித குறையும் நேராமல் கவனமாக பார்த்த வந்தவரல்லவா? ஷர்மிலியின் ரீ என்ட்ரி இரண்டு ஹீரோயின்களில் ஒருவராக வந்துவிடக் கூடாது என்று நினைத்தாராம். இந்த படத்திலிருந்து என் மகள் விலகிக் கொள்கிறார் என்று அவரே கூறிவிட, அதற்கப்புறம் வந்தவர்தான் கீர்த்தி சுரேஷ்.

கிடைக்கிற பஸ்ல எல்லாம் ஏறுனா போக வேண்டிய ஊர் வந்து சேராது என்பதை சற்று பலமாகவே தெரிந்து வைத்திருக்கிற பேமிலி. ஏமாத்த முடியுமா?

Read more »

சிவகார்த்திகேயனுடன் இணைந்த பாகுபலி டீம்- வலுவானது கூட்டணி

கடந்த வருடம் வெளிவந்த பாகுபலி படத்தின் வெற்றியை நாங்கள் சொல்லி தெரிய வேண்டியது இல்லை. இப்படத்தின் வெற்றியை தொடர்ந்து இரண்டாவது பாகமும் தற்போது ரெடியாகி வருகின்றது.

இப்படத்தில் மிகவும் பேசப்படும் ஒரு விஷயம் VFX பணிகள், பாகுபலி-2விற்காக 2.0 படத்தை கூட VFX கலைஞர் கமல கண்ணன் மறுத்தார்.

இந்நிலையில் சிவகார்த்திகேயன் நடித்து வரும் ரெமோ படத்திற்கு VFX அமைக்க இவர் சம்மதித்துள்ளாராம். இதன் மூலம் இந்த படம் மேலும் ஒரு படி எதிர்ப்பார்ப்பை அதிகமாக்கியுள்ளது என்றால் மிகையல்ல.

Read more »

இளையராஜாவுக்காக வரும் ரஜினிகாந்த்!

ரஜினி, கமல் நடித்த பெரும்பாலான படங்களுக்கு இசையமைத்தவர் இளையராஜாதான். ஆனால் ஒருகட்டத்தில் அவர்கள் ஏ.ஆர்.ரகுமான் உள்ளிட்ட மற்ற இளவட்ட இசையமைப்பாளர்கள் பக்கம் திரும்பி விட்டனர்.

என்றாலும், ஆயிரம் படங்கள் வரை இசையமைத்து இப்போதுவரை பிசியாகவே இசையமைத்துக் கொண்டிருக்கிறார் இளையராஜா. இந்நிலையில், சமீபத்தில் இளையராஜா இசையமைத்துள்ள முத்துராமலிங்கம் படத்தில் ஒரு பாடலை பாடினார் கமல்.

அதோடு, ராஜீவ்குமார் இயக்கத்தில் கமல் நடிக்கும் அம்மா அப்பா விளையாட்டு படத்துக்கு இளைய ராஜாதான் இசையமைப்பதாக கூறப்படுகிறது.அதேசமயம், தற்போது ரஜினி நடித்து வரும் 2.ஓ படத்துக்கு ஏ.ஆர்.ரகுமான் இசையமைக்க, கபாலிக்கு சந்தோஷ்நாராயணன் இசையமைத்து வருகிறார்.

அதனால் ரஜினி படங்களுக்கு மீண்டும் இளையராஜா இசையமைப்பாரா? மாட்டாரா? என்பது தெரியவில்லை.

என்றாலும், பிப்ரவரி 27-ந்தேதி விஜய் டிவி சார்பில் இளையராஜாவுக்கு நடைபெறவிருக்கும் பாராட்டு விழாவில் ரஜினி கலந்து கொண்டு அவரை வாழ்த்துகிறாராம்.அதோடு இளையராஜா பற்றிய ஒரு ஆடியோவையும் அன்றைய தினத்தில் வெளியிடுகிறாராம் ரஜினி.

Read more »

ஒரு பூனையை அடிப்படையாகக் கொண்டு வரும் முதல் தமிழ் சினிமா – ‘மியாவ்’

தமிழ் சினிமாவில் அவ்வபோது வித்தியாசமான முயற்சிகளின் மூல பல புதுமுக இயக்குநர்கள் அறிமுகமாகிறார்க ள். அந்த வரிசையில் பூனை ஒன்றை முக்கிய கதாபாத்திரமாக வைத்து திரைக்கதை அமைத்துள்ள இயக்குநர் சின்னாஸ் பழனிச்சாமி.சினிமாவுக்கு புதியவர் என்றாலும், விளம்பரத் துறையில் பல சாதனைகளை நிகழ்த்தி யிருக்கும் இயக்குநர் சின்னாஸ் பழனிச்சாமி, தனது படத்திற்கு ‘மியாவ்’ என்று தலைப்பு வைத்துள்ளார்.

குளோபல் வுட்ஸ் மூவிஸ் சார்பில் வின்செண்ட் அடைக்கலராஜ் தயாரிக்கும் இப்படத்தில் ராஜா என்ற புதுமுகம் ஹீரோவாக நடிக்க, காயத்ரி, ஷனி ஆகியோர் நாயகிகளாக நடிக்கின்றனர். ஸ்ரீஜித் எண்டவனோ என்ற புதியவர் இசையமைக்கிறார்.

படம் குறித்து இயக்குநர் சின்னாஸ் கூறுகையில், “பூனையின் மியாவ் சத்தத்தில் குழந்தையின் குரல் போன்ற மென்மையில் இருந்து கொடிய அலறல் போன்ற திகில் வரை பல்வேறு சூழலுக்கு ஏற்ப பல்வேறு அர்த்தங்கள் நிறைந்த பல வகைகள் உண்டு, அவற்றின் அடிப்படையில் என் படம் பயணிக்கிறது. ஒரு பூனையை அடிப் படையாகக் கொண்டு வரும் முதல் தமிழ் சினிமா இதுதான் என்று, எங்களால் பெருமையோடு சொல்லிக் கொள்ள முடியும். இதுவரை யாரும் எடுக்காத இந்த பாணிப் படம் , புதுமையான படங்களைப் பார்க்கத் துடிக்கும் ரசிகர்களுக்கு பெரும் விருந்தாக அமையும்.

அதே நேரம் இது போன்ற படங்களுக்கு பொருத்தமான தயாரிப்பாளர் கிடைப்பதும் மிக முக்கியம் . அந்த வகையில் நான் அதிர்ஷ்டசாலி, எனது தயாரிபாளருக்கு சினிமா எடுப்பதன் அழகியலும் புரிந்து இருக்கிறது . படத்தை தயாரிப்பதிலும் மதிப்புக் கூட்டுவதிலும் இன்றைய நிலையில் ஒரு தயாரிப்பாளரின் பங்கு என்ன என்பதும் அவருக்கு தெரிந்து இருக்கிறது”என்றார்.இப்படத்தின் முதல் போஸ்டரை, பிரபல ஒளிப்பதிவாளர் பி.சி.ஸ்ரீராம், வெளியிட்டார்.

Read more »

விஜய்சேதுபதிக்கு, இந்த சேதுபதி - வெற்றி மகுடம் சூட்டும் சேனாதிபதி!

விஜய் சேதுபதி , நடித்து வெளிவந்திருக்கும் போலீஸ் ஸ்டோரி. விஜய்சேதுபதியை வைத்து 'பண்ணையாரும் பத்மினியும்' படத்தை இயக்கிய அருண் குமார், மீண்டும் விஜய் சேதுபதியை வைத்து 'சேதுபதி' படத்தை இயக்கியிருக்கிறார்.

சேதுபதி எனும் நேர்மையானபோலீஸ் இன்ஸ்பெக்டர்விஜய் சேதுபதி . அவர் கையில் எடுக்கும் ஒரு போலீஸ் சப் -இன்ஸ்..கொலை வழக்கில் வாத்தியார் எனும் போர்வையில் அந்த ஏரியாவில் மோசடிகள் பல செய்துபெரிய மனிதராக வலம் வரும் வேல ராமமூர்த்தி வசமாக சிக்க, அவருக்கும், இவருக்குமிடையில் நடக்கும் முட்டலும், மோதலும் கூடவே, விஜய் சேதுபதியின் ஆசை மனைவி மற்றும் குழந்தைகள் மீதான அவரது காதலும் தான் சேதுபதி படத்தின் கரு, கதை, களம், காட்சிப்படுத்தல் எல்லாம்.

சேதுபதி கதைப்படி, மதுரை பகுதியில் இளந்துடிப்புமிக்க போலீஸ் இன்ஸ்பெக்டராக பதவியில்இருக்கும் விஜய்சேதுபதி, மனைவி ரம்யா நம்பீசன் மற்றும் இரண்டு குழந்தைகளுடன் மகிழ்ச்சியாக வாழ்ந்து வருகிறார். இந்நிலையில், அந்த ஏரியாவின் அருகில் உள்ள மற்றொரு ஸ்டேஷன் சப்-இன்ஸ்பெக்டர் கொடூரமாக கொலை செய்யப்படுகிறார். இந்த வழக்கை விஜய் சேதுபதி விசாரிக்கிறார். விசாரணையில் அந்த ஏரியாவின் மிகப்பெரும் புள்ளி வேலா ராமமூர்த்தி என்பவர் தான் இந்த கொலைக்கு காரணம் என தெரிகின்றது. மேலும், தன் மருமகனான வேறொரு சப்-இன்ஸை .. கொலை செய்வதற்கு பதிலாக, தவறுதலாக மற்றொரு எஸ்.ஐ.யை கொலை செய்திருக்கிறார்கள் என்பதையும் துப்பறிகிறார். ஏரியாவே, வாத்தியார் வேலா ராமமூர்த்தியையும் அவரது ஆட்களையும் பார்த்து பயந்து ஒடும் நேரத்தில் இன்ஸ்பெக்டர் சேதுபதி, துணிச்சலாக அவரை அடித்து இழுத்துச் சென்று கைது செய்கிறார். இதனால், அவமானமடையும் வேலா ராமமூர்த்தி, அதற்காக விஜய் சேதுபதியை பழி தீர்க்க காத்திருக்கிறார் வேலாராமமூர்த்தி.வேல ராமமூர்த்தியின் எண்ணம் ஈ.டேறியதா? அல்லது, அவரால் செய்யாத குற்றத்திற்காக சஸ்பென்ஸ் உள்ளிட்ட சட்ட சிக்கல்களை சந்திக்கும் விஜய்சேதுபதிவென்றாரா..? என்பது தான் சேதுபதி படத்தின் வித்தியாசமும், விறுவிறுப்புமான மீதிக்கதை.

விஜய் சேதுபதி மிடுக்கான, அதே நேரம், பிறர் கண்ணுக்கு சற்றே கிறுக்கான துணிச்சல் போலீஸ் அதிகாரியாக பட்டையை கிளப்பி இருக்கிறார். இதுவரை, யதார்த்தமான நகைச்சுவை நடிப்பில் ரசிகர்களை கவர்ந்த விஜய் சேதுபதி, முதல் முறையாக மிடுக்கான போலீஸ் அதிகாரி வேடம் ஏற்று ரசிகர்களை கவர்ந்திருக்கிறார். கமர்ஷியல் ஹீரோவுக்கு உண்டான அனைத்து அம்சங்களையும், அவர் பெற்றிருப்பது சிறப்பு.

உயர் அதிகாரியிடம் சத்தம் போட்டு பேசுதல், தவறானவர் என்று தெரிந்ததும், அசால்ட்டாக சக இன்ஸையே அடிப்பது, வாத்தியார் உதவியாளரின் போனை கட் செய்வது, அவர்களை காத்திருக்க வைத்து, அவர்கள் கண் எதிரிலேயே பெரிய மனிதர் போர்வை வாத்தியாரை அடித்து இழுத்து வருவது... அதைப்பார்த்து அவர்கள் முறைப்பது கண்டு, அவனுங்க முறைக்கிறாங்கன்னு நினைக்கிறேன் - சிரிப்பு சிரிப்பா வருது... அவனுங்களை போ கொல்லு மூர்த்தி... என சப்-இன்ஸிடம் சொல்லி, வில்லன் ஆட்களை கிண்டலாய் சீண்டுவது, காதல் மனைவி ரம்யா நம்பீசனின் பெற்றோர் கல்யாண நாளை, இவர் ஞாபகம் வைத்திருந்து மனைவியை வாழ்த்து சொல்ல சொல்வது... நான் பேசினா கண்ணைப் பார்த்து பேசுடி என பொண்டாட்டியப் பார்த்து பிள்ளைகளுக்கு தெரியாமல் கண் அடிப்பது, என அன்பான கணவனாகவும், பொறுப்பான அப்பாவாகவும், கூடவே மிரட்டல் போலீஸாகவும், மனதில் பதிகிறார். அவரது, முறுக்குமீசை, கிருதா, நடை, உடை, பாவனை உள்ளிட்ட சகலத்திலும் கூட போலீஸாகவே வாழ்ந்திருக்கிறார் சேதுபதி! ஹேட்ஸ் ஆப் டூ யூ சேதுபதி!

ரம்யா நம்பீசன், புருஷனுக்கு தட்டில் இட்லி மிளகாய்பொடி வைத்துவிட்டு அதற்கு எண்ணெய் குழப்பிய விரலை உணவு பரிமாறியபடியே புருஷன் வாயில் சூப்ப கொடுப்பது... இங்கப் பாரு அந்தாளு என்னை அடிச்சான்னா திருப்பி வந்து என்னை கொஞ்சுவான்.... அதுக்கு நான் இங்க இருக்கணும்.. என தன் அம்மாவை அதட்டுவது, சமாதானத்திற்கு வரும் புருஷனை செல்லமாக, காலில் விழ வைப்பது... என இப்படக் கதைப்படி, இரண்டு குழந்தைகளுக்கு அம்மாவானாலும் இளமை ஊஞ்சலாட நடித்திருக்கிறார் நாயகி ரம்யா நம்பீசன். 'பீட்சா'படத்தில் விஜய்சேதுபதியுடன் ஏற்கனவே நெருக்கமாக நடித்ததாலோ என்னவோ ரம்யா நம்பீசன் இப்படத்தில் சேதுபதியுடன் மேலும் கிறக்கம், நெருக்கம் காட்டியிருக்கிறார்.வாவ்!

யோவ், சேதுபதி மண்டே வரும் போது ஷேவ் செய்துட்டு யூனிபார்ம் போட்டுட்டு வா... உன் வேலை கன்பார்ம்... எனும் மிரட்டல் விசாரணை அதிகாரி, விஜய்யின் மிடுக்கு மேல் அதிகாரி, சப் இன்ஸ் - மூர்த்தி, வில்லன் வேல ராமமூர்த்தியின் வில்லத்தனங்கள், மேலும், விஜய் - ரம்யா ஜோடியின் பிஞ்சுகளாக வரும் மாஸ்டர் ராகவன், பேபி தனுஷ்ரா உள்ளிட்ட குழந்தைகளாக நடித்திருப்பவர்கள் கூட மிரட்டலான, மிகுதியில்லா நடிப்பை வெளிப்படுத்தியிருக்கிறார்கள். என்பது இப்படத்திற்கு பலம் சேர்க்கிறது.

ஹவ்வா ஹவ்வவ்வா ...", கொஞ்சி பேசிட வேணாம் .... , நான் யாரு ? நான் ராஜா ... நீ ,ராஜா .... ஹேய் மாமா..." எனத் தொடங்கித் தொடரும் பாடல்கள் இசையாளர் நிவாஸ் கே.பிரசன்னாவின் இசையில் இதம், பி.தினேஷ் குமாரின் ஒளிப்பதிவு பிரகாசம், ஸ்ரீகர் பிரசாத்தின் படத்தொகுப்பு பக்கா, ராஜ சேகரின் சண்டை பயிற்சி மிரட்டல்.

வில்லன் ஆட்களுக்கு முன்னதாக அவர்கள் யோசிப்பதை யோசிக்கும் விஜய் சேதுபதியின் ஹீரோயிசம், போலீஸ் ஸ்டோரியில் ஆக் ஷன் சீன்களைக் காட்டிலும் அதிகம் கணவன் விஜய் - மனைவி ரம்யா இருவரது ஊடல் - கூடல் ரொமான்ஸ் சீன்களை சேர்த்திருக்கும் இயக்குனரின் லாவகம், கூடவே, விறுவிறுப்பான திரைக்கதை படத்திற்கு பெரும் பலம். அடுத்து என்ன நடக்கும்? என்று யூகிக்க முடியாத அளவிற்கு அதை காட்சிப்படுத்தியிருப்பது இப்பட இயக்குனரின் பெருஞ்சிறப்பு.

குறிப்பாக, விஜய் சேதுபதி வீட்டில் இல்லாத நேரத்தில் தன்வீட்டை முற்றுகையிடும் வில்லனின் அடியாட்களை மிரட்டும் விதமாக தன் தைரியசாலி பிஞ்சுமகனிடம் போனில் சொல்லி வீட்டில் புகுந்த வில்லன் ஆட்களை பயமுறுத்த வானை நோக்கி சுட விட்டு, மனைவியையும் குழந்தைகளையும் காப்பாற்றுவது, வாத்தியார் ஆட்கள் தூக்கியது போன்று தன்ஸ்டேஷன், கான்ஸ்டபிளின் மகளை சேதுபதியே கடத்தி வைத்து சஸ்பென்சனில் இருந்து தப்பிக்கும் சாதுர்யம்... என ஏகத்துக்கும்... புதிதாய் அதேநேரம் சுவாரஸ்யமாய் ஒரு போலீல் ஸ்டோரியை தேர்ந்தெடுத்து படமாக்கியிருப்பதில், இந்தமுறை, ஜெயித்திருக்கிறார் பண்ணையாரும் பத்மினியும் இயக்குனர் எஸ்.யூ.அருண்குமார். கூடவே விஜய் சேதுபதியும் ஜொலித்திருக்கிறார்!

மொத்தத்தில், விஜய்சேதுபதிக்கு, இந்த சேதுபதி - வெற்றி மகுடம் சூட்டும் சேனாதிபதி!

Read more »

சி.எம் என்றால் எதற்கு பயப்பட வேண்டும்- விஜய்யின் தந்தையின் சர்ச்சை பேச்சு

பா.விஜய், எஸ்.ஏ.சி நடிப்பில் விரைவில் வெளிவரும் படம் நையப்புடை. இப்படத்தின் சந்திப்பு ஒன்றில் பா.விஜய் அவர்கள் நடிகை ராதிகாவை சின்னத்திரை சி.எம் என்று கூறினார்.

பின் என்ன நினைத்தார் என்று தெரியவில்லை அவரே முன் வந்து நான் சொல்ல வந்தது சினிமா மேக்னெட் என்பதை தான் என கூறினார்.

இதை தொடர்ந்து பேசிய எஸ்.ஏ.சி ‘பா.விஜய் பெரிய தைரியசாலி என்று நினைத்தேன், சி.எம் என்று சொன்னால் என்ன பயம், அவர் மனதில் ஏதோ வைத்துக்கொண்டு, இதை ஏன் சமாளிக்க வேண்டும்’ என பேச ஒரு நிமிடம் அந்த இடமே பதட்டமானது.

Read more »

விஜய் சேதுபதி என்கவுண்டர் செய்தது சரியா? - சேதுபதி விமர்சனம்

பண்ணையாரும் பத்மினியும் என்ற ஒரு ரசனையான படம் கொடுத்த இயக்கநர் அருண்குமார், அதே நாயகனுடன் கைகோர்த்திருக்கும் படம், சேதுபதி.

போஸ்டரிலும், டிரெய்லரும் அதிரடியாக மிரட்டும் இந்தப் படம், நிவாஸின் இசையில் அழகானதொரு மெலடியோடு துவங்கி, டைட்டில் கார்டில் காவல்துறையினரின் சின்னச் சின்ன சங்கடங்களை -  நிஜத்தோடு ஒப்பிடுகையில் - மிகைப்படுத்தல் இருந்தாலும், மாண்டேஜ்களாக சொல்லி.. பாடல் முடிந்ததும் ஒரு போலீஸ்காரர் கொலை செய்யப்படுவதில் ஆரம்பிக்கிறது.

கறாரான, நேர்மையான, பயப்படாத, மக்களை சந்திப்பதில் மகிழ்கிற, புல்லட் வைத்திருக்கிற, கூலிங்க்ளாஸை ஸ்டைலாக மாட்டுகிற, குடும்பத்தை நேசிக்கிற, மீசை முறுக்குகிற என்று வழக்கமான தமிழ்ப்பட இன்ஸ்பெக்டர் விஜய் சேதுபதி. ASP ப்ரமோஷனுக்குக் காத்திருக்கிறவருக்கு, அவரது எல்லைக்குள் நடந்த இன்னொரு போலீஸ்காரரின் கொலையை விசாரிக்கும்போது சிலபல சிக்கல்கள் நடக்கிறது. அதையெல்லாம் தாண்டி, சிக்கல்களை அவிழ்த்து யார் காரணமென்று கண்டுபிடித்து இடைவேளைக்கு முன்பே அரெஸ்ட் செய்துவிடுகிறார் விஜய் சேதுபதி.

பழிவாங்கும்விதமாக, வில்லன் செய்யும் ஒரு காரியம் விஜய் சேதுபதியை மீண்டும் சிக்கலில்  மாட்டிவிட்டு பதவி உயர்வுக்கு மட்டுமின்றி, வேலைக்கே பாதிப்பைக் கொண்டுவருகிறது. அதை எப்படி ஹீரோ உடைக்கிறார் என்பதை கொஞ்சமும் சலிப்படைய வைக்காமல் சொல்லியிருக்கிறார்கள்.

ஒரு கதையாக, சாதாரணக் கதைதான். நாடே எதிர்நோக்குகிற பிரச்னையையோ, மாநில அளவில் சீரியஸான கேஸையோ இந்த ஹீரோ கையாளவில்லை. ஆனாலும் ஒரு இன்ஸ்பெக்டரின் குடும்பம், குடும்பம் சார்ந்த அவரது நடவடிக்கைகளை உள்ளே புகுத்தியதில் இயக்குநர் ஈர்க்கிறார்.

போலீஸ் கெட்டப்பில் முதல்முறையாக விஜய் சேதுபதி. கச்சிதமாகப் பொருந்தியிருக்கிறார். முறைத்துக் கொண்டே சீரியஸான இன்ஸ்பெக்டராக இருக்கும் அதே சமயம் வீட்டுக்கு வந்ததும் மனைவியைக் கொஞ்சுவதிலும், மாமனார் - மாமியாரோடான சண்டையிலும் (அது என்னதான் சண்டை? சொல்லவேல்ல? பார்ட்-2 ஏதும் வருதோ?), குழந்தைகளுடனான ஜாலி நேரங்களிலும் தேர்ந்த நடிப்பைக் காட்டத் தவறவில்லை. ஆனா அதென்ன பாஸ், சக போலீஸ்காரரிலிருந்து வில்லன் வரை ப்பளார்னு விடற ஒரே அறையில வழிக்குக் கொண்டு வந்துடறீங்க?

பீட்சாவுக்குப் பிறகு, விஜய் சேதுபதியுடன் ரம்யா நம்பீசன். பீட்சா போலவே ரொமாண்டிக் காட்சிகளில் நெருக்கம் காட்டியிருந்தாலும், இவ்வளவு அழகான பொண்டாட்டி சண்டை போட்டுட்டாவே இருப்பாங்க? இட்லிப் பொடியை தொட்ட விரலை.. விடுங்க... அவ்ளோ ஆசையை வெச்சிருந்து, ஒவ்வொருக்கா புருஷன் வரும்போதும் தள்ளிவிட்டுட்டேவா இருப்பாங்க? ஒருகட்டத்தில் விஜய் சேதுபதியே காலில் விழுந்தபிறகுதான் போனாப்போவுது என்று கட்டிப்பிடிக்கிறார். நடிப்பில்.. நச்! கணவனுடன் சண்டையிட்டுக் கொண்டிருக்கும்போது, மகள் பார்த்துவிட கண்ணில் நீருடன் ஒரு எக்ஸ்ப்ரஷன் தருகிறார். ரம்யம்!

வில்லனாக வேல ராமமூர்த்தி. வழக்கம்போலவே சிறப்பு. காமெடி என்று எதையும் இயக்குநர் முயற்சிக்காதது கதையோட்டத்துக்காக என்றிருந்தாலும், அங்கங்கே நகைச்சுவையை தெளித்திருக்கலாம். எஸ்.ஐ- உடனான உரையாடல்கள் அவ்வளவு சிரிப்பைத் தரத்தவறினாலும்,அந்த ‘அவன் மொறைக்கறான். சிரிப்பு சிரிப்பா வருது வெளில போகச்சொல்லு’ - கலகலகல. குழந்தைகளாக நடித்திருக்கும் இரண்டு குட்டீஸ்க்கும் ஒரு மூட்டை சாக்லேட் பார்சல். அவ்வளவு அழகு + கச்சிதம். குறைந்த நிமிடங்களே வந்தாலும், அந்த கமிஷனை விசாரிக்கும் அதிகாரி.. செம.

இசை நிவாஸ் கே பிரசன்னா. தெகிடி படத்தின் பாடல்கள் மூலம் கவனமீர்த்தவர், இதிலும் மெலடிக்களில் முத்திரை பதித்திருக்கிறார். ‘நான் யாரு.. நான் யாரு’ வில்லனுக்கு வரும்போது எடுபட்டத்தை விட, ஹீரோவுக்கு வரும்போது அதிக க்ளாப்ஸ் அள்ளுகிறது. ஆனால் பின்னணி இசை? ஒரு சில ஆக்‌ஷன் காட்சிகளில் ஓகே என்றாலும், காதுவலிக்குது சார். பல நேரம் சைலண்டாக இருந்திருக்க வேண்டிய இடத்திலெல்லாம் ஓவர் டைம் வேலை செய்திருக்கிறார். ஒரு இடத்தில் வசனமே கேட்காத அளவுக்கெல்லாம் துருத்திக் கொண்டிருந்தது.

தினேஷ் கிருஷ்ணனின் காமெரா, ஆக்‌ஷன் காட்சிகளிலும், ரொமாண்டிக் காட்சிகளிலும் இருவேறு விதமாக காண்பித்து அசத்தியிருக்கிறது. ஸ்ரீகர் ப்ரசாத்தின் எடிட்டிங் படத்துக்கு மிகப் பொருத்தம். ஒன்றே ஒன்று, ஒரு காட்சியில் கணவனுடனான சண்டையில் அழுதபடி இருக்கும் மனைவி, குழந்தை பார்த்ததும் டக்கென்று எக்ஸ்ப்ரஷனை மாற்றிக் கொண்டு சமாளித்து பேசுவதோடு அதை முடித்திருக்கலாம். உடனேயே அம்மா ஏதோ கேட்க, அதற்கு இவர் ஒன்று சொல்ல என்று இழுத்தது அந்த அழகை மறக்கடித்துவிட்டது.  அதை வெட்டித்தூக்கியிருக்கலாம்.

காவல்துறையின் ’சிஸ்டத்தை’ விமர்சித்திருக்கும் விசாரணை படம் வெளிவந்து இரண்டே வாரங்களில் இது வெளியாவதால், இரண்டையும் நம் மனது ஒப்பிடுவதைத் தவிர்க்க முடியவில்லை. அப்படி ஒப்பிடுகையில், அதில் காவல்துறை செய்த அதே என்கவுண்டரை இதில் அதே துறை ஹீரோ செய்கிறார். கமர்ஷியல் படத்தில் ஹீரோ என்கவுண்டர் செய்கிறார் என்பதால் அதை ஏற்கமுடியாது. அதே ஹீரோ, வில்லனை, முதல்முறை கைது செய்யும்போது வெறுமனே இரண்டுநாள் சுற்ற விடுகிறாரே தவிர, வேறெதுவும் செய்வதில்லை. ஆக, அடியாட்கள் என்றால் என்கவுண்டர் செய்யலாம், அவரை ஏவி விட்ட செல்வாக்குள்ள மனிதர் என்றால் செய்ய வேண்டியதில்லை என்றெல்லாம் இருப்பதும், காவல்துறையின் முகத்தை இன்னொரு விதமாக வெளிப்படுத்தியதாகவே பார்க்க வேண்டியதாய் இருக்கிறது.

நாயகனாக இருக்கும் எல்லோருக்கும் பொதுவான, காக்கிச்சட்டைக் காதலில் விஜய்சேதுபதியும் தப்பவில்லை. போலீஸ் என்றாலே விஜய்காந்த், போலீஸாக அவர் நடித்த சேதுபதியும் மக்களுக்கு ஹிட் மெமரி. அது தன் பெயராகவும் இருப்பதில் விஜய் சேதுபதிக்கு டபுள் குஷியாக இருந்திருக்க வேண்டும். ஒரு போலீஸ் கதையில் அழகான குடும்பம் + ரொமான்டிக்கைக் கொண்டுவந்து சோர்வடையச் செய்யாமல் படத்தை நகர்த்திச் சென்ற விதத்தில்.. சேதுபதிக்கு ஒரு சல்யூட்!

Read more »

மிருதன் விமர்சனம் -“செஞ்சுதான் பார்ப்போமே”

காலி பெருங்காய டப்பாவுக்குள் கட்டி சூடத்தை தட்டிப் போட்ட மாதிரி, “செஞ்சுதான் பார்ப்போமே” என்ற எண்ணம் சில நேரங்களில் வரும்! அப்படி இந்த படத்தின் டைரக்டருக்கு வந்த கற்பனைதான் இந்த ‘ஆயிரமாயிரம் ஸோம்பிகளும், அஞ்சாத சார்ஜன்டும்’ கதை! குழந்தை மனசோடு போகிறவர்களுக்கு குதூகலத்தையும், குந்தாங்குறையாகப் போகிறவர்களுக்கு குழப்பங்களையும் அள்ளி வழங்குகிறது ‘மிருதன்’! ஆனால் தமிழ்சினிமாவில் புதிய முயற்சி என்பதால், இயக்குனர் ஷக்தி சவுந்தர்ராஜன் ஒரு லாரி துப்பாக்கி ரவைகள் பார்சேல்ல்ல்ல்ல்!

ஊட்டியில் ஏதோ ஒரு ரசாயனக் கழிவை நாய் ஒன்று நக்கி வைக்க, அதற்கப்புறம் அது கடிக்கிற ஒரு கடிதான் இந்த படத்தின் முதல் படி! கடிபட்ட ஆசாமி அம்மாவை கடிக்க, அந்த அம்மாவோ மருமகளை கடித்து வைக்கிறாள்… அதற்கப்புறம் அவர்களும் ஒவ்வொருவராக கடித்து வைக்க… கடிபடுகிற எல்லாரும் ரத்தவெறி பிடித்து மற்றவர்களை கடிக்க ஓடுகிறார்கள். ஒன்று பத்தாகி, பத்து நூறாகி, நூறு ஆயிரமாகி… (தமிழ்சினிமாவில் ஜுனியர் ஆர்ட்டிஸ்டுகளுக்கு அதிக சம்பளம் கொடுத்த படம் இதுவாகதான் இருக்கும்) இந்த களேபரத்துக்கு நடுவில் எங்கேர்ந்து வர்றாரு ஹீரோ? அவருடைய ரோல் என்ன? இதுதான் பர்ஸ்ட் ஹாஃப், மற்றும் செகன்ட் ஹாஃப். இதற்குள் தங்கச்சி சென்ட்டிமென்ட், காதல், சோகம் என்று சாமர்த்தியமாக நுழைத்து, சபாஷ் போட வைத்திருக்கிறார் ஷக்தி சவுந்தர்ராஜன்.

போர்ட்டர் கிடைச்சுட்டாரே என்று பெட்டியையும் அடுக்கி, போதாக்குறைக்கு ஒரு ரயில் பெட்டியையும் அவர் தலைக்குள் ஏற்றி வைக்கிற ஆள் போலிருக்கிறது டைரக்டர். இவருக்கு கிடைத்த பலசாலி மிஸ்டர் ஜெயம் ரவி. இந்த முழு படத்தையும் அவர் தலையில் ஏற்றி வைத்திருக்கிறார். சும்மா சொல்லக் கூடாது. நன்றாகவே தாங்குகிறது அவர் தோள்களும், சிரசும்! அதுவும் தன் கண்ணெதிரிலேயே உயிர் தங்கை பலியாகப் போகிறாள் என்பதும், அவளும் ஸோம்பியாக மாறி கடிக்கப் போகிறாள் என்பதும் தெரிந்த பின்பும், தப்பித்து ஓடாமல் அவளுக்காக சாகத் துணிகிற ஜெயம் ரவிக்கு, கண்ணும் உதடும் துடிக்கிறது. அந்த நேரத்தில் துப்பாக்கியோடு உள்ளே வரும் டாக்டர்களை அவர் பார்க்கும் பார்வை மிரள வைக்கிறது. படத்தில் வரும் அந்த ஒரு பகுதி, பாசமலர் பார்ட் 2.

ஹீரோ, ஹீரோயின் என்று ரவியும், லட்சுமிமேனனும் இருந்தாலும், இப்படத்தில் சொல்லப்படும் காதல் புதுசு. பிடித்த காதலி அருகே இருந்தும் இருவரையும் காதலிக்கவா விடுகிறார்கள் அந்த ஸோம்பிகள்? நல்லவேளை… எல்லாவற்றுக்கும் சேர்த்து கடைசி நேரத்தில் கொட்டி தீர்த்திருக்கிறார் ஜெயம் ரவி. எப்படியாவது காதலியை தப்பிக்க வைத்துவிட வேண்டும் என்று மினி ராட்சசனாக மாறி, அவர் ஸோம்பிகளை சுட்டுத் தள்ளும் அந்த காட்சி சோகத்திலும் ஈரம்!

லட்சுமிமேனன் படத்தில் எங்காவது சிரிக்கிறாரா என்று யோசித்து மண்டையை கசக்கினாலும் பிடி பட மாட்டேன் என்கிறது. “அவ்ளோ பேர் பார்த்துகிட்டு இருக்கும் போது நீ மட்டும் என்னை காப்பாற்ற வந்தியே, ஏன்?” என்று அவர் கேட்க, கேட்க, நமக்கு பி.பி.ஏறுகிறது. (கேட்கிற இடமாம்மா அது?) எப்படியோ… ஒருவர் காதலை மற்றவர் உணர்ந்து கொள்கிற அந்த கடைசி வினாடியாவது கூட்டம் கூட்டமாக ஸோம்பிகள் இல்லாத இடமாக இருக்கிறது.

மிக சீரியசான படம். அப்படியிருந்தும் ஆங்காங்கே சிரிக்க முடிகிறது என்றால், அது காளி வெங்கட்டினால்தான்! வழக்கம் போல தன் வேலையை கச்சிதமாக செய்துவிட்டு ஒதுங்கிக் கொள்கிறார். படத்தில் ‘ஓவர் ஆக்டிங் புகழ் ’ ஸ்ரீமன் இருக்கிறார். நல்லவேளை ரசிக்க முடிகிறது அவரை.

படத்தில் அதிகம் பாடல்கள் இல்லை. வருகிற இரண்டு பாடல்களும் எக்குத்தப்பான சூழலில் இருக்கிறது. இருந்தாலும் நம்மை ரசிக்க வைக்கிறது இமானின் வித்தை. ஆனால் பின்னணி இசை மட்டும் பேரிரைச்சலாக ஒலிக்கிறது.

அவ்வளவு பெரிய கூட்டத்தை ஒருங்கிணைத்து படமாக்குவதே பெரிய சவால்தான். தனியாக வேறு இடம் சுட்டி பொருள் விளக்கி பாராட்ட வேண்டுமா ஒளிப்பதிவாளர் வெங்கடேஷை?

தமிழ் சினிமாவில் சொல்லப்படாத ஒரு கதையை எடுத்துக் கொண்ட வரைக்கும் ஓ.கே. ஆனால் அவ்வளவு பெரிய சம்பவம் தமிழ்நாட்டில் நடக்கும் போது, முதல்வர் எங்கு போனார். அதிகாரிகள் எங்கு போனார்கள்? “எவனாவது கேள்வி கேட்டு தொலைவான்யா…” என்ற பிரக்ஞை சிறிதும் உங்களுக்கு இல்லையே டைரக்டரய்யா?

கொஞ்சம் மெனக்கெட்டிருந்தால் சுவாரஸ்யமான திரைக்கதையால் தெறிக்க விட்டிருக்கலாம். ஐயோ பாவம் வெறுமனே கொறிக்க விட்டிருக்கிறார் ஷக்தி சவுந்தர்ராஜன்! மிச்ச மீதி ஸோம்பிகள் யாராவது இருந்தால், டைரக்டரின் அட்ரஸ் தர்றேன்… போயிட்டு சீக்கிரம் வேலைய முடிங்கப்பா!

Read more »

'பாஸ்கர் தி ராஸ்கல்' ரீமேக்கில் ரஜினி: உறுதி செய்தார் சித்திக்

 'பாஸ்கர் தி ராஸ்கல்' படத்தின் தமிழ் ரீமேக்கில் ரஜினி நடிப்பது உறுதியாகிவிட்டது என்று இயக்குநர் சித்திக் தெரிவித்திருக்கிறார்.

மம்முட்டி, நயன்தாரா, ஜே.டி. சக்ரவர்த்தி உள்ளிட்ட பலர் நடிப்பில் சித்திக் இயக்கத்தில் வெளியான மலையாள படம் 'பாஸ்கர் தி ராஸ்கல்'. கடந்தாண்டு ஏப்ரல் 15ம் தேதி வெளியான இப்படம் வசூல் ரீதியாகவும், விமர்சன ரீதியாகவும் நல்ல வரவேற்பைப் பெற்றது.

இப்படத்தின் தமிழ் ரீமேக் உரிமையை தயாரிப்பாளர் எஸ்.எஸ்.துரைராஜ் வாங்கியிருக்கிறார். தமிழ் ரீமேக்கில் ரஜினி நடிக்கவிருக்கிறார், அஜித் நடிக்கவிருக்கிறார் என்று செய்திகள் வெளியான வண்ணம் இருந்தன.

இந்நிலையில் மலையாள நாளிதழ் ஒன்றுக்கு 'பாஸ்கர் தி ராஸ்கல்' தமிழ் ரீமேக் குறித்து பேசியிருக்கிறார் இயக்குநர் சித்திக். அதில், "ரஜினி மற்றும் அஜித் இருவரும் ரீமேக்கில் நடிக்கவிருப்பதாக செய்திகள் வெளியான வண்ணம் இருக்கிறது.

'பாஸ்கர் தி ராஸ்கல்' படத்தைப் பார்த்த ரஜினி சார், மம்மூட்டி பாத்திரத்தில் நடிக்க ஆர்வமாக இருப்பதாக தெரிவித்தார். தயாரிப்பாளரும் முடிவாகிவிட்டது. ரஜினி நடிப்பது உறுதி.

தற்போது 'கபாலி' மற்றும் '2.0' ஆகிய படங்களில் நடித்து வரும் ரஜினி, அடுத்தாண்டு இப்படத்தின் ரீமேக்கில் நடிக்க தேதிகள் ஒதுக்குவார்" என்று தெரிவித்திருக்கிறார் இயக்குநர் சித்திக். 

Read more »

மிருதன் - திரைவிமர்சனம் - ‘தனி ஒருவனாக’

ஹாலிவுட்டில் Resident evil, Warm Bodies , Dawn of the dead எண்ண முடியாத அளவிற்கு சோம்பி வகை படங்கள் வந்து விட்டது. முதலில் சோம்பி என்றால் என்ன? வேறு ஒன்றும் இல்லை, ஊரில் எங்காவது ஒரு வைரஸ் பரவும், அந்த வைரஸ் ஒருவர் உடலுக்கு புகுந்துவிட்டால், மிருக குணம் வந்து அனைவரையும் கடித்து கொன்றுவிடுவோம். இது தான் சோம்பி கான்செப்ட்.

இவை பாலிவுட்டில் கூட சையிப் அலிகான் நடிப்பில் go goa gone என்று ஒரு படம் வெளிவந்தது, தமிழில் முதன் முறையாக நாய்கள் ஜாக்கிரதை இயக்குனர் சக்தி சௌந்தர் ராஜன் இயக்கத்தில் வெளிவந்துள்ள தமிழ் சோம்பி படம் தான் இந்த மிருதன்.
கதைக்களம்

ஊட்டியில் ஒரு கெமிக்கல் தொழிற்சாலையில் சில கெமிக்கல்களை ஊழியர்கள் தெரியாமல் தவறவிடுகிறார்கள். இது தேங்கியிருக்கும் ஒரு நிலத்தடி நீரில் கலக்க, அதை ஒரு நாய் குடிக்கின்றது. இதைத் தொடர்ந்து அந்த நாய் சோம்பியாக மாற, பின் ஊர் முழுவதும் அந்த வைரஸ் பரவுகின்றது.

இதே ஊட்டியில் அண்ணன் -தங்கையாக ஜெயம் ரவி-அனிகா சந்தோஷமாக வாழ்ந்து வருகின்றனர். ரவி சாதுவான ட்ராபிக் போலிஸாக இருந்தாலும், தன் நண்பருக்காக MLA R.N.R.மனோகரிடம் முறைக்கின்றார்.

இதை தொடர்ந்து அனிகா திடிரென்று ஒரு நாள் தொலைந்து போக, பதறி வெளியே வரும் ஜெயம் ரவியை சோம்பிகள் துரத்துகின்றது, இதே ஊரில் மருத்துவராக இருக்கும் லட்சுமி மேனன் தன் சக மருத்துவர்களுடன் இணைந்து இந்த வைரஸிற்கு மாற்று மருந்து கண்டுப்பிடிக்க முயற்சி செய்கின்றார். தங்களை ஒரு இடத்திற்கு அழைத்து செல்ல இவர்களுக்கு ஜெயம் ரவி உதவி தேவைப்படுகிறது.

இதற்காக லட்சுமி மேனன், அனிகாவை காப்பாற்ற ரவிக்கு உதவி செய்ய, பிறகு ‘எங்களை பாதுகாப்பாக கோயமுத்தூர் அரசு மருத்துவமனைக்கு அழைத்து செல், அப்போது தான் இதற்கு மாற்று மருந்து கிடைக்கும்’ என லட்சுமி மேனன் கூறுகிறார். பின் தன் “மிஷின் கன்”னை முதுகில் மாட்டி கிளம்ப, ஜெயம் ரவி இவர்களை காப்பாற்றி சொன்ன இடத்திற்கு அழைத்து சென்றாரா? இதற்கு மாற்று மருந்து கண்டிப்பிடித்தார்களா? சோம்பிகளை எப்படி வேட்டையாடுகிறார் என்பதை எதிர்ப்பாராத கிளைமேக்ஸுடன் கூறியிருக்கிறார் இயக்குனர்.
படத்தை பற்றிய அலசல்

ரோமியோ ஜுலியட், தனி ஒருவன், பூலோகம் என தொடர் வெற்றிகளை தொடர்ந்து மீண்டும் அதே வேகத்தில் இந்த ஆண்டும் வெற்றி கணக்கை தொடங்கிவிட வேண்டும் என ரவி களத்தில் இறங்கியுள்ளார். படத்தில் அன்புள்ள அண்ணனாக மனதை ஈர்க்கின்றார். அதே நேரத்தில் சோம்பிகளை வேட்டையாட துப்பாக்கியை தூக்கி வேட்டைக்கு கிளம்பும் இடத்திலும் சபாஷ் பெறுகிறார். ஆனால், எப்படி இவருக்கு இத்தனை புல்லட் கிடைத்தது என்பது லாஜிக் மீறலோ மீறல். இன்னும் கொஞ்சம் சுட்டால் ஸ்கிரீனை தாண்டி இரண்டு புல்லட் நம் மீது பாய்ந்திருக்கும்.

லட்சுமி மேனன் மருத்துவராக வருகிறார், ரவியுடன் பின்னாலே ஓடுகிறார், இரண்டு டூயட்டுக்கு உதவுகிறார் தவிர பெரிதாக நடிக்கும் கதாபாத்திரம் இல்லை, உண்மையை சொல்ல வேண்டுமென்றால் ரவி-லட்சுமி மேனன் கெமிஸ்ட்ரியை விட ரவி-காளி வெங்கட் கெமிஸ்ட்ரி நன்றாக ஒர்க் அவுட் ஆகியுள்ளது. எப்போதும் போல் தன் கவுண்டர் வசனங்களால் காளி கலக்குகின்றார். அதிலும், சுட தெரியாமல், அவர் சரியாக சுட்டு, அங்க எய்ம் வச்சேன் மச்சான், அதான் இங்க சுட்டேன், தப்பா சரியாக சுட்டேன்ல என்று கேட்கும் காட்சிகள் சிரிப்பு சரவெடி. அதேபோல் சில நேரம் வந்தாலும் ஸ்ரீமனும் தன் பங்கிற்கு கலகலப்பூட்டுகிறார். மனோகரும் வில்லன் போல் காட்டினாலும் போக போக, ‘எல்லாரும் சொல்லிட்டாங்க இருந்தாலும் நானும் சொல்றேன், என்னம்மா இப்படி பண்றீங்களேமா’ என தன் பங்கிற்கு சிரிக்க வைக்கின்றார்.

தமிழ் சினிமாவின் முதல் முயற்சி என்பதால் கண்டிப்பாக சோம்பி படம் பார்க்காதவர்களுக்கு இது புது அனுபவத்தை தந்தாலும், ஹாலிவுட் படங்கள் பார்த்தவர்களுக்கும் இது பல படங்களை நியாபகப்படுத்தும். இயக்குனர் காதலை வைத்து திரைக்கதையை நகர்த்தியிருந்தாலும், ரவி-அனிகாவின் அண்ணன், தங்கை பாசம் ரசிகர்களை கவர்ந்த அளவிற்கு காதல் காட்சிகள் எடுபடவில்லை. கொஞ்சம் தேவையில்லாத திணிப்புகள், இப்படி மாற்றியிருக்கலாமே என ரசிகர்களையே முணுமுணுக்க வைக்கின்றது.

வெங்கடேஷின் ஒளிப்பதிவு படத்தில் பல காட்சிகள் சோம்பிகளை அருகில் காட்டி அச்சுறுத்துகின்றனர், இதற்கெல்லாம் மேல் டி.இமான் தான் இப்படத்திற்கு இசையா என்று கேட்கும் அளவிற்கு மிரட்டியுள்ளார் பின்னணி இசையில்.
க்ளாப்ஸ்

இதுவரை தமிழ் சினிமா ரசிகர்கள் தமிழில் கண்டிராத கதைக்களம் என்பதால் அதற்காகவே மனம் திறந்து பாராட்டலாம்.

ஜெயம் ரவி-அனிகா செண்டிமெண்ட் காட்சிகள், படத்தின் முதல் பாதி விறுவிறுவென செல்கின்றது.

டி.இமான் பின்னணி இசையில் மிரட்டியுள்ளார், மேலும், படம் ஆரம்பித்து வேறு திசையில் செல்லாமல் ஆரம்பத்திலேயே கதைக்குள் செல்கின்றது.
பல்ப்ஸ்

இரண்டாம் பாதி என்ன தான் சுவாரசியமாக சென்றாலும், முதல் பாதி அளவிற்கு இல்லையே என்று சொல்ல வைக்கின்றது.

பல இடங்களில் லாஜிக் மீறல்கள், பெரிய ஆக்ஷன், விறுவிறுப்புடன் செல்கையில் காதலை வைத்து கிளைமேக்ஸை நகர்த்தி செல்வது சில தரப்பு ரசிகர்களுக்கு ஏமாற்றம் தான்.

படத்திற்கு மிகப்பெரிய பலம் டி.இமானின் பின்னணி இசை என்றாலும், கிளைமேக்ஸில் மீண்டும் மீண்டும் வரும் ஒரே இசை கொஞ்சம் காதை பதம் பார்க்கின்றது.

மொத்தத்தில் ஹாலிவுட்டில் சோம்பி கதைகள் எத்தனை வந்தாலும், தமிழில் ‘தனி ஒருவனாக’ நின்று படத்தை சுமந்து செல்லும் ஜெயம் ரவிக்காகவும், புதிய முயற்சிக்காகவும் கண்டிப்பாக இந்த சோம்பியுடன் பயணிக்கலாம்.

Read more »

சேதுபதி - திரைவிமர்சனம்

தமிழ் சினிமாவில் ஹீரோக்கள் என்ன தான் கேங்ஸ்டர் படம் நடிச்சாலும் சூப்பர் ஸ்டார் முதல் சமீபத்திய ரைசிங் ஸ்டார் வரைக்கும் போலிஸ் ட்ரஸ் அணிந்தால் தான் செம்ம கெத்து. அப்படியிருக்க தொடர்ந்து கிளாஸ் வகை படங்களை செய்து வரும் விஜய் சேதுபதிக்கு மட்டும் மாஸ் காட்ட ஆசை இருக்காதா என்ன?.

அதனால் தான் தன் பேவரட் இயக்குனர் அருணுடன் இணைந்து போலிஸ் லத்தியை கையில் எடுத்திருக்கிறார் சேதுபதி.
கதைக்களம்

படத்தின் ஆரம்ப காட்சியிலேயே ஒரு போலிஸை ஸ்கெட்ச் போட்டு எரித்து விடுகின்றனர். அந்த கொலை விஜய் சேதுபதி போலிஸாக இருக்கும் ஏரியாவில் நடக்க, இந்த கேஸை விஜய் சேதுபதி கையில் எடுக்கிறார்.

போலிஸை கொன்றால் அவன் எவனாக இருந்தாலும் தூக்க வேண்டும் என துடிப்புடன் பல தடயங்களை கண்டுப்பிடிக்க, அந்த ஊரில் மிகப்பெரும் கட்டப்பஞ்சாயத்து நடத்தும் வாத்தியார் என்பவர் தான் இந்த கொலைக்கு காரணம் என தெரிகின்றது.

ஊரே அவரை பார்த்து பயந்து நடுங்கும் நேரத்தில் சேதுபதி தைரியமாக அவரை கைது செய்கின்றார். இந்த அவமானத்திற்காக விஜய் சேதுபதியை பழிவாங்க, செயின் திருட்டு வழக்கில் வரும் சிறுவர்களை துப்பாக்கியை காட்டி மிரட்டி விசாரிக்கும் போது, யாரோ துப்பாக்கியை ரீலோட் செய்து அவர் கையில் கொடுக்கின்றனர்.

அவரும் யதார்த்தமாக சுட, சிறுவன் கழுத்தில் புல்லட் பாய்கின்றது. இதன் பிறகு விஜய் சேதுபதியை தற்காலிக வேலை நிறுத்தம் செய்ய, வாத்தியார் ஆட்டம் அதிகமாகின்றது. பின் வழக்கம் போல் தன் மீசையை முறுக்கி, விஜய் சேதுபதி தன் இரண்டாவது இன்னிங்ஸில் வாத்தியாரை எப்படி பந்தாடுகிறார் என்பதை மாஸ் கமர்ஷியலாக கூறியிருக்கிறார் அருண்.
படத்தை பற்றிய அலசல்

அட..இது விஜய் சேதுபதி தானா!!! என ஆச்சரியப்பட வைக்கின்றது. முறுக்கு மீசை, தைரியமான போலிஸ் ரம்யா நம்பீசனுக்கு அன்பான கணவன், குழந்தைகளுக்கு பாசமுள்ள அப்பா என்று முழு மாஸ் ஹீரோவாகவே மாறிவிட்டார். கிளாஸில் இருந்து மாஸிற்கு ப்ரோமோஷன் கிடைத்து விட்டது சேதுபதி. வாழ்த்துக்கள்.

ரம்யா நம்பீசன் இரு குழந்தைகளுக்கு அம்மாவாக நடித்ததற்கே பாராட்டலாம், இளம் நடிகைகள் யாரும் துணிந்து நடிப்பார்களா என்றால் கேள்விக்குறி தான், ‘என் புருஷன் காலையில சண்டைப்போட்டா, மாலையில் என்னை கொஞ்ச வருவான், அதுக்காகவாது நான் அவர் கூட இருக்க வேண்டும்’ என விஜய் சேதுபதிக்கு சப்போர்ட்டாக கலக்கியுள்ளார்.

படத்தின் மிகப்பெரிய ஹைலைட் விஜய் சேதுபதியின் கதாபாத்திர வடிவம் தான், ஒரு மாஸ் போலிஸ் என்றாலும் எந்த இடத்திலும் செயற்கையாக தெரியக்கூடாது என்று கொஞ்சம் மெனக்கெட்டுள்ளனர். குழந்தை முன்பு புகார் கொடுக்க வரும் கணவனை, குழந்தையை வெளியே போகச் சொல்லி விட்டு திட்டுவது, தன் மகள் முன்பு மனைவியை அடித்தததை சமாளிப்பது என யதார்த்த காப் இந்த சேதுபதி.

தினேஷ் கிருஷ்ணன் ஒளிப்பதிவு பல காட்சிகள் மிகவும் ரியலாக உள்ளது, அதை விட ஸ்ரீகர் பிரசாத்தின் எடிட்டிங், வேகமான திரைக்கதைக்கு செம்ம ப்ளஸ் கூட்டியிருக்கின்றது. தெகிடி படத்தை தொடர்ந்து நிவாஸின் இசை சேதுபதியிலும் மிரட்டல். ஆனால், தீவிர அனிருத் ரசிகராக இருப்பார் போல, விஐபி, காக்கிசட்டை இசையெல்லாம் வந்து போகின்றதே.
க்ளாப்ஸ்

படத்தின் இரண்டாம் பாதி, விறுவிறுவென செல்கின்றது, அதிலும் விஜய் சேதுபதி வீட்டை முற்றுகையிடும் வில்லன் கும்பலை போனிலேயே மிரட்டும் சீன் தியேட்டர் விசில் சத்தத்தில் அதிர்கின்றது.

படத்தில் முதல் பாதியில் ஆங்காங்கே வரும் சின்ன சின்ன டுவிஸ்டுகள், நம் கவனம் ஒரு போலிஸிடம் இருக்கும் போது, அதை அழகாக திசை திருப்பும் காட்சி.

ஸ்ரீகர் பிரசாத்தின் விறுவிறு எடிட்டிங். விஜய் சேதுபதி- ரம்யா நம்பீசன் காதல் காட்சிகள்.
பல்ப்ஸ்

பார்த்து பழகி போன வில்லன், இரண்டாம் பாதியில் யூகிக்க கூடிய டுவிஸ்டுகள்.

படத்தின் முதல் பாதியில் பல காட்சிகள் பெரிய விளக்கம் இல்லாமல் உடனே முடிவது போல் இருக்கும் காட்சியமைப்புகள்.

வில்லன் விஜய் சேதுபதி மீது காட்டும் கோபம், அவர் குடும்பதை தூக்க ப்ளான் போடுவது தான் ஏன் இத்தனை தாமதம் என்று தெரியவில்லை, அதற்குள் கிளைமேக்ஸே நெருங்கிவிடுகின்றது.

மொத்தத்தில் ரவுடி விஜய் சேதுபதியை விட இந்த போலிஸ் சேதுபதி செம்ம கெத்து.

Read more »

புதிய நியமம் - திரைவிமர்சனம்

திருஷ்யம் என்ற திரைப்படம் உண்டாக்கிய அதிர்வலைகள், மலையாள திரைப்பட உலகத்தை சற்று புரட்டித்தான் போட்டது. அதே போன்ற ஒரு முயற்சியை நாமும் மேற்கொள்வோம் என மம்முட்டியும் நினைத்தாரோ என்னவோ ! சுரேஷ் கோபியை வைத்து ஏ.கே.சாஜன் உருவாக்கவிருந்த "சாலமன்டே கூடாரம்" மம்முட்டியின் என்ட்ரியால் புதிய நியமமானது.

பாலியல் கொடுமைகளை அரங்கேற்றும் அயோக்கியர்களுக்கு பாரபட்சமின்றி மரணத்தை பரிசளிக்க வேண்டும் என்பது தான் "புதிய நியமத்தின்" ஒன் - லைன்.

சூழ்நிலைகளின் கட்டாயத்தால் அப்பார்ட்மெண்டில் வசிக்கும் நடுத்தர வர்க்க குடும்பத்திற்கு ஏற்படும் ஓர் அதிர்ச்சி சம்பவமும், அதிலிருந்து மீண்டு வரும் நெகிழ்ச்சித் தருணமுமாக இத்திரைப்படம்,  "திருஷ்யத்தின்" மம்முட்டி வெர்ஷன்.

லூயிஸ் போத்தன் - வாசுகி ஐயர் தம்பதிக்கு ஒரு அழகான பெண் குழந்தை. கிருஸ்துவ மதத்தைச் சேர்ந்த லூயிஸ், கதக்களி நடனக் கலைஞரான வாசுகி ஐயரை காதலித்து கலப்புத் திருமணம் செய்துகொண்டதால் அப்பார்ட்மெண்டில் தனிக் குடித்தன வாழ்க்கை.

குடும்ப நல நீதி மன்றத்தில் வழக்குரைஞராகவும், பகுதி நேரமாக தனியார் தொலைக்காட்சியில் சினிமா விமர்சனம் செய்பவராகவும் வலம் வரும் மம்முட்டி, வாழ்க்கையை மகிழ்ச்சிகரமாகவும், எந்த ஒரு விஷயத்தையும் பாஸிடிவ் எனர்ஜியோடும் பார்க்கும் மனோபாவமும் கொண்டவர். விவாகரத்து வழக்குகளுக்காக தன்னைத் தேடி வரும் நபர்களை பெரும்பாலும் கவுன்சிலிங் செய்து மீண்டும் இல்லறத்தில் இணைத்துவிடுவார்.

படத்தின் ஆரம்பக் காட்சியிலிருந்தே ஒரு இறுக்கமான மனநிலையோடு இருப்பது, பள்ளிப் பேருந்தில் ஏறும் தன் பெண் குழந்தையை தொட்டு தூக்கும் பேருந்துப் பணியாளரை அதட்டுவது, தன் கணவரை மயக்கி விடுவாரோ என பக்கத்து வீட்டு பெண் நிருபரை வெறுப்பது, என்று தன்னையும், தன் குடும்பத்தைச் சுற்றியும் தவறுகள் நிறைந்திருப்பதாக நெகட்டிவ் சிந்தனைகளில் மூழ்கியிருப்பவர் வாசுகி.

இப்படி இரு வேறு மனநிலைகளைக் கொண்டவர்களின் இல்லற வாழ்க்கை நல்ல முறையிலேயே சென்றிகொண்டிருக்க, ஓர் எதிர்பாரா சம்பவம் வாசுகியை நிலைகுலையச் செய்கிறது. தன் கணவனிடம்கூட சொல்வதற்குப் பயந்து வீட்டிலேயே முடங்கிக் கிடக்கும் வாசுகிக்கு, அந்த ஊரில் நடந்த ஒரு கொலை சம்பவத்தை விசாரித்து வரும் டி.சி.பி ஜீனாபாய் மீது நம்பிக்கை ஏற்பட்டு, தன் கணவருக்குத் தெரியாமல் அவரைத் தொடர்புகொள்கிறார். வாசுகி இப்படியொரு இறுக்கமான மன உளைச்சல் ஏற்பட்டு, வீட்டிலேயே முடங்கிக்போகும் நிலை ஏற்படக் காரணமென்ன என்பதை பிளேஷ் - பேக் காட்சிகளில் நடந்த ஒரு கொடூரமான சம்பவம் மூலம் விவரிக்கிறது திரைக்கதை. செல்போன் உரையாடலின் மூலமாகவே நடந்ததை கேட்டுத் தெரிந்துகொள்ளும் டி.சி.பி. ஜீனாபாய், வாசுகியை நேரில் சந்திக்காமலேயே, ஒரு தோழியாக இருந்து அவருக்கு ஆலோசனையளித்து, ஸ்மார்ட்டான சில முயற்சிகளின் மூலம், அந்தப் பிரச்சனைக்கு முற்றுப்புள்ளி வைக்கிறார்.

கேரளா என்றாலே பாரம்பரிய வீடு, அதில் வாழும் குடும்ப உறவுமுறை என்பதைத் தாண்டி, அப்பார்ட்மெண்ட்களில் வசிக்கும் மனிதர்கள், லோ-ஹிப் ஜீன்ஸும், பாப் -மார்லியின் உருவம் வரைந்த டி-சர்ட்டும் அணிந்துகொண்டு போதைக்கு அடிமையான இளைஞர்கள் என தற்கால கேரளத்தின் ஒரு சிறிய முகத்தைப் பதிவு செய்திருக்கிறார்கள்.

ஒட்டுமொத்தப் படத்தையும் தன் தோலில் தாங்கிச் செல்வது ஹீரோயின் கதாபாத்திரமே என்று தெரிந்தும், படம் முழுவதும் அண்டர் - பிளே பெர்ஃபார்மன்ஸ் காட்டியிருக்கிறார் மம்முட்டி. இப்படி ஒரு சாதாரணமான கதாபாத்திரத்திற்கு மம்முட்டியை எதற்க்கு நடிக்க வைக்க வேண்டும் என்று நாம் யோசிக்கும்போதே, கிளைமாக்ஸ் காட்சிகளில் கொடுக்கும் அதிரடி ட்விஸ்டுகளின் மூலம், மெகா ஸ்டார் தன் பங்களிப்பை சுவாரஸ்யப்படுத்துகிறார்.

நிஜத்தில் மனிதருக்கு 64 வயது ஆகிறதென்று அவரே சொன்னாலும் யாரும் நம்பமாட்டார்கள். கல்யாணதுக்கு மட்டும் பல லட்சம் செலவு செய்வாங்க.. ஆனா டைவர்ஸ்னு வந்துட்டா பத்து பைசா செலவு பண்ண, பத்து மாசம் யோசிப்பானுங்க என்று படம் முழுவதும் கலகலப்பாகவே இருக்கிறார்.

கேரளாவில் வசிக்கும் தமிழ் ஐயர் வம்சத்தைச் சேர்ந்த பெண்மணியான தன் கதாபாத்திரத்திற்கு, தன் சொந்தக் குரலிலேயே டப்பிங் பேசியிருக்கிறார் நயன்தாரா. மாயா, நானும் ரவுடிதான் படங்களைத் தொடர்ந்து இதிலும் அவருடைய பெர்ஃபார்மன்ஸ் அசத்தல்.

குறைந்த அளவிலான நடிகர்கள், ஒரே மாதிரியான லொகேஷன்கள் என கிடைத்திருக்கும் சிறிய கிரவுண்டையும் கச்சிதமாக கையாண்டிருக்கிறார் அறிமுக ஒளிப்பதிவாளர் ரோபி வர்கீஸ். படத்திற்கு பக்கபலமாக இருப்பது விவேக் ஹர்சனின் படத்தொகுப்பு. முன்பாதியில் போரடித்த கோபி சுந்தரின் பின்னணி இசை, இடைவேளைக்குப் பிறகு தடதடக்க வைக்கிறது.

மூன்று வருடங்களுக்கு முன்பு வெளியாகி மலையாௐளத்தில் பிளாக்பஸ்டர் ஹிட்டடித்த "திருஷ்யம்" திரைப்படத்தைப் பற்றியெல்லாம் கவலைப்படாமல் அதே மாதிரியான ஒரு திரில்லர் டிரீட்மென்டை சினிமாவாக்கியிருக்கும் தைரியத்திற்காகவே இயக்குனர் ஏ.கே சாஜனை பாராட்டியாக வேண்டும்.

ஆனால் படத்தின் மையமே "பிளாஷ் - பேக்கில்" என்ன நடந்தது என்று எதிர்பார்ப்பில் இருக்கும்போது, அதை இன்னும் சற்று பரபரக்க வைத்திருக்கலாம். ஆங்காங்கே இடரும் ஒரு சில லாஜிக் குறைபாடுகளால், திருஷ்யம் ஏற்படுத்திய பிரமிப்பு இதில் கொஞ்சம் மிஸ்ஸிங் என்றாலும், திரைக்கதை சொன்ன விதமும், அந்த கிளைமாக்ஸ் டுவிஸ்டுகளும் நம்மை ஆர்ப்பரிக்க வைக்கின்றன.

மம்முட்டி, நயனுக்காகவும், தெளிவான திரைக்கதைக்காகவும் புதிய நியமத்தை நிச்சயம் ரசிக்கலாம்.

Read more »