கட்சி தாவுகிறார் வடிவேலு.?

தமிழ் சினிமாவில் நம்பர்-1 காமெடியனாக வலம் வந்தவர் நடிகர் வடிவேலு. கடந்த சட்டசபை தேர்தலின் போது திமுக.,வுக்கு ஆதரவாக பிரச்சாரம் செய்கிறேன் பேர்வழி என தேமுதிக., தலைவரை கடுமையாக சாடினார். ஆனால் தேர்தலில் திமுக., தோல்வி அடைந்ததோடு, வடிவேலுவின் சினிமா மார்க்கெட்டும் ஆட்டம் கண்டது. இந்த ஐந்தாண்டு காலத்தில் சினிமாவில் அவர் எப்படி இருந்தார், அவரது சினி பீல்டு வாழ்க்கை எப்படி கடந்தது என்று யாருக்கும் சொல்லி தீர வேண்டிய அவசியமில்லை.

இந்நிலையில் தமிழகத்தில் இன்னும் சில மாதங்களில் சட்டசபை தேர்தல் நடைபெற உள்ளது. இப்போதே நடிகர்களை தங்களது கட்சியில் சேர்க்க முன்னணி கட்சிகள் பலவற்றில் பேச்சுவார்த்தை நடந்து வருகிறது. இப்படிப்பட்ட சூழலில் கடந்த முறை திமுக.வுக்கு ஆதரவாக பிராச்சாரம் செய்த வடிவேலு, இந்த முறை அந்தக்கட்சிக்கு பிரச்சாரம் செய்ய மாட்டார் என தெரிகிறது. மாறாக கடந்த சட்டசபை தேர்தலில் தான் பிரச்சாரம் செய்த கட்சிக்கு எதிரான பலம் பொருந்திய கட்சியில் அவர் இணையப்போவதாக செய்திகள் உலா வருகின்றன.

விரைவில் வடிவேலு கட்சி மாறும் செய்தியோ.? அல்லது அவர் புதிதாக ஒரு கட்சியில் இணைகிறார் என்ற செய்தி வெளியாகும் என தெரிகிறது. 

Posted in: அனுபவம்