கெத்து தமிழ் வார்த்தை இல்லையா? கொதிக்கும் உதயநிதி ஸ்டாலின்.!

மான் கராத்தே புகழ் திருகுமரன் இயக்கத்தில் உதயநிதி நடித்த படம் ‘கெத்து’. இதில் சத்யராஜ், விக்ராந்த், எமி ஜாக்சன், கருணாகரன் உள்ளிட்டோர் நடித்திருந்தனர். இசை ஹாரிஸ் ஜெயராஜ்.

இப்படத்தின் பெயர் தமிழில் இல்லை என இப்படத்திற்கு வரிச்சலுகை மறுக்கப்பட்டுள்ளது. எனவே, இதுகுறித்த ஒரு பதிவை உதயநிதி ஸ்டாலின் வெளியிட்டுள்ளார். அதில்… “கெத்து என்றால் தந்திரம் என தமிழ் அகராதியில் இருப்பதாக அச்சிடப்பட்ட ஒரு புகைப்படத்தை வெளியிட்டுள்ளார்.

இதனால், வரிச்சலுகை மறுக்கப்பட்டதை எதிர்த்து உதயநிதி ஸ்டாலின் வழக்கு தொடுக்கப் போவதாக நெருங்கிய வட்டாரங்கள் தெரிவித்துள்ளன.

மேலும் ‘கெத்து’ திரைப்படம் பற்றி யாரோ ஒருவர் மோசமான படம் என விமர்சனம் செய்திருக்கிறார். இதுகுறித்தும் உதயநிதி ஸ்டாலின் கருத்து தெரிவித்துள்ளார்.

“பணம் பெற்றுக் கொண்டு படத்தை பற்றி விமர்சனம் செய்கிறார்கள். அவர்களை பற்றி நான் கவலைப்படவில்லை. என் ரசிகர்களுக்காக தான் படம் எடுக்கிறேன். இதுபோல் ஒருமுறை ‘ஒரு கல் ஒரு கண்ணாடி’ படம் வெளியான நாள் அன்று அந்தப் படத்தைப் பற்றி மோசமாக எழுதியிருந்தார் ஒரு விமர்சகர்.

ஆனால், படம் மாபெரும் வெற்றி என்று அறிவிக்கப்பட்டதும் அவருடைய விமர்சனத்தை நீக்கி விட்டார். அப்படி பணம் பெற்றுக் கொண்டு விமர்சிக்கும் டுபாக்கூர் விமர்சகர்கள் முகத்தில் விடப்படும் குத்துதான் கெத்து படத்தில் பாரில் நடைபெறும் சண்டைக் காட்சியின் முதல் குத்து” என அந்த விமர்சகரை குறிப்பிட்டு கூறியுள்ளார் உதயநிதி.

தற்போது அஹ்மத் இயக்கத்தில், ‘மனிதன்’ என்ற படத்தில் ஹன்சிகாவுடன் நடிக்கவிருக்கிறார் உதயநிதி. 

Posted in: நிகழ்வுகள்